Kaspersky Secure Connection

Kaspersky Secure Connection қолданбасы не үшін қажет Қоғамдық Wi-Fi желілері жеткіліксіз қорғалған болуы мүмкін, мысалы, егер Wi-Fi желісі осал шифрлау протоколын немесе әлсіз құпия сөзді пайдаланса. Қорғалмаған Wi-Fi желілері арқылы интернетте сатып алу жасағанда, құпия сөздеріңіз бен басқа құпия деректеріңіз ашық мәтін түрінде беріледі. Қаскөйлер құпия деректеріңізді ұстап алуы мүмкін, мысалы, банк картаңыздың нөмірін біліп, ақшаға қол жеткізуі мүмкін. Wi-Fi желісіне қосылғанда, Kaspersky Secure Connection осы желінің қауіпсіздігін тексереді. Егер Wi-Fi желісі қауіпсіз болмаса, Kaspersky Secure Connection сіз көрсеткен аймақта немесе қалада орналасқан арнайы бөлінген сервер арқылы қауіпсіз VPN-қосылымды қосуды ұсынады. Қауіпсіз VPN-қосылым қосылған кезде, сайттан келген деректер алдымен бөлінген серверге түседі. Осыдан кейін Kaspersky Secure Connection оларды құрылғыңызға шифрланған қауіпсіз VPN-қосылым арқылы жібереді. Kaspersky Secure Connection келесі мүмкіндіктерді ұсынады: Банк сайттарымен және төлем жүйелерімен қауіпсіз жұмыс Сатып алуды төлегенде, қонақүй брондағанда немесе автокөлік жалдағанда, қаскөйлер сайттағы банк картаңыздың нөмірін ұстап ала алмайды. Құпия ақпаратыңызды қорғау Ешкім құрылғыңыздың IP-мекенжайын және орналасқан жеріңізді анықтай алмайды. Жеке ақпаратыңызды қорғау Ешкім әлеуметтік желілердегі хат алмасуыңызды ұстап алып, оқи алмайды. Kaspersky Secure Connection қолданбасын желілік қосылымдардың басқа түрлері үшін де пайдалануға болады, мысалы, интернетке жергілікті қосылу немесе USB-модем арқылы қосылу. Әдепкі бойынша, сайтқа қосылу HTTPS протоколы арқылы орындалса, Kaspersky Secure Connection қауіпсіз VPN-қосылымды қосуды ұсынбайды. Банк сайттарына, интернет-дүкендерге, сондай-ақ әлеуметтік желілерге, чаттар мен пошта сайттарына кіру кезінде аймақты немесе қаланы өзгерту фрод-мониторинг жүйелерінің іске қосылуына әкелуі мүмкін. Фрод-мониторинг жүйелері интернеттегі қаржылық транзакцияларды алаяқтық операциялар тұрғысынан бағалауға арналған.